என்னை பாவியாக்கும் அழகு

நான் என் தேவனுடன் 09

தேவனே…!

காலையில்

அடிவானத்தில்

நீர் காட்டும்

வர்ண ஜாலத்தின் அழகு..

நான் உம்மை

பாடும்படி செய்கிறது.

மாலையில்

சூரிய அஸ்தமன அழகு..

உமது செயல்களை எண்ணி

வியக்க வைக்கிறது.

                 

வான் மத்தியில் வட்டமிடும்

பறவைகளின் அழகு,

மலையுச்சியில் முட்டிவரும்

மேகங்களின் அழகு,

இவையெல்லாம்..

நான் உம்மை

துதிக்கும்படி செய்கிறது.

                          

இதற்கிடையில்..

இடையசைத்து

நடைபோடும்

ஒரு பெண்ணின் அழகு

என் ரசனைகளை

திசை திருப்பி விடுகிறது.

மொத்தத்தில் தேவனே…

                        

நீர்

இயற்கைக்கு

கொடுத்திருக்கும் அழகு

உம்மை நான்

துதிக்க செய்கிறது.

          

நீர்

பெண்ணுக்கு கொடுத்திருக்கும்

அழகோ

என்னை பாவியாக்கிறது. 

--------------------------- By  Robert Dinesh --------